İsrail hökumətinin başçısı Benyamin Netanyahu bildirib ki, o, Mossad kəşfiyyat xidmətinə Fələstinin radikal HƏMAS hərəkatının liderlərinə qarşı bütün dünyada fəaliyyət göstərməyi əmr edib.

Senzor.az yerli KİV-ə istinadən bildirir ki, Baş nazir kəşfiyyata HƏMAS rəhbərlərini dünyanın harasında məskunlaşmalarından asılı olmayaraq tapıb cəzalandırmağı  tapşırıb.

Yeri gəlmişkən, noyabrın 22-də İsrail Qəzza zolağında saxlanılan girovları azad etmək üçün HƏMAS ilə razılaşmanı təsdiqləyib. Razılaşmaya əsasən, dörd günlük atəşkəs elan ediləcək və bu müddət ərzində HƏMAS 50 qadın və uşağı azad edəcək.

Bundan əlavə, Qırmızı Xaç nümayəndələrinə lazımi tibbi yardım göstərmək üçün qalan girovlara baş çəkməyə icazə veriləcək.