Fələstin administrasiyasının müharibədən sonra Qəzzanı idarə etməsi həll yolu deyil.

Senzor.az yerli KİV-ə istinadən bildirir ki, bunu İsrailin Baş naziri Benyamin Netanyahu X sosial şəbəkəsində yazıb.

“Birincisi HƏMAS olmayacaq, onu məhv edəcəyik, ikincisi də Fələstin administrasiyası həll yolu deyil”, - deyə Netanyahu bildirib.

Xatırladaq ki, bundan əvvəl Fələstinin Baş naziri Məhəmməd Ştayyeh mətbuata açıqlamasında demişdi: “HƏMAS-ı Qəzza zolağı, İordan çayının qərb sahili və Şərqi Qüds də daxil olmaqla, müstəqil Fələstin dövlətinin yaradılmasına cəlb etmək mümkündür. HƏMAS oktyabrın 7-nə kimi başqa idi, ondan sonra başqa. Əgər onlar razılığa gəlməyə və Fələstin Azadlıq Təşkilatının siyasi platformasını qəbul etməyə hazırdırlarsa, o zaman dialoq imkanı var. Fələstinlilər bölünməməlidir”.