Bu il Azərbaycan və Türk dünyası üçün mühüm tarixi hadisələrlə zəngin oldu. Azərbaycanın mədəniyyət paytaxtı olan Şuşa şəhəri bu il üçün “Türk dünyasının mədəniyyət paytaxtı” seçilib, Türkiyə Cümhuriyyətinin 100 illiyi və TÜRKSOY-un yaradılmasının 30 illik yubileyi Türk dünyasında böyük təntənə ilə qeyd olunur.

Senzor.az bildirir ki, bunları mədəniyyət naziri Adil Kərimli “Şuşa – Türk dünyasının mədəniyyət paytaxtı – 2023” ilinin rəsmi bağlanış mərasimində söyləyib. 

O bildirib ki, Şuşada baş tutan I Türk Dünyası Mədəniyyət Forumu da XXI əsrin türk əsrinə çevrilməsi üçün mədəni əlaqələrin inkişafında yeni üfüqlər yaradacaq, bizim ən güclü ortaq platformalarımızdan birinə çevriləcək.

Nazir onu da bildirib ki, ortaq türk mədəniyyətinin təbliği məsələsində TÜRKSOY-un əməyi əvəzsizdir: "Biz də Mədəniyyət Nazirliyi olaraq, həmişə onlara bu istiqamətdə öz dəstəyimizi göstərməyə hazırıq”.