ABŞ Federal Ehtiyat Sistemi (FED) baza dərəcəsini illik 5,25-5,5 % səviyyəsində saxlayıb.
Senzor.az bildirir ki, Federal Açıq Bazar Komitəsi (FOMC) iclasının yekunlarına dair məlumatda belə deyilir.
Qərar FOMC üzvləri tərəfindən yekdilliklə qəbul edilib, əksər analitik və iqtisadçıların gözləntiləri ilə üst-üstə düşüb.
“Komitə uzun müddət ərzində maksimum məşğulluğa və 2 % inflyasiyaya nail olmağa çalışır. Bu məqsədlə federal fondların faiz dərəcəsi üçün hədəf diapazonunu 5,25-5,5% səviyyəsində saxlamaq qərarına gəlib", - hesabatda vurğulanıb.
