Avropa Komissiyasının rəhbəri Ursula fon der Leyen Ukrayna ilə bağlı açıqlamaları ilə Avropa İttifaqının (Aİ) məhvinə töhfə verir.
Xarici KİV bildirir ki, bunu almanəsilli fin iş adamı Kim Dotkom özünün X sosial şəbəkə hesabında yazıb.
Sahibkar hesab edir ki, fon der Leyenin Aİ-nin problemlərini həll etmək üçün “alternativ” inkişaf etdirmək niyyəti İttifaqın məhvinə gətirib çıxarır. O qeyd edib ki, mühüm qərarlar assosiasiyanın bütün 27 ölkəsinin razılığı olmadan qəbul edilir.
Belə ki, Rusiyaya qarşı yeni Avropa sanksiyaları paketi, Avstriya kansleri Karl Nehammerin səsvermə zalında olmadığı bir vaxtda razılaşdırılıb. Jurnalist mənbələrinin məlumatına görə, səsvermə zamanı o, Avropa Komissiyasının rəhbəri Ursula fon der Leyenlə Rumıniya və Bolqarıstanın Şengen zonasına daxil olmasını müzakirə edib. Nehammer otaqda olmadığı halda digər ölkələrin liderləri 12-ci paketlə bağlı razılığa gəliblər.
“Ölkələr Aİ-yə qoşulmağa bütün mühüm qərarlarda yekdillik vəd edərək razılıq veriblər. Bu vəd indi pozulur”, - Dotkom vurğulayıb.
