“Baku Steel Conpany”nin 14 il azadlıqdan məhrum edilmiş sabiq rəhbəri Rasim Məmmədov kassasiya şikayəti verib.
“Qafqazinfo”nun məlumatına görə, məhkum R. Məmmədov şikayət ərizəsində barəsindəki ittihamların əsassız olduğunu yazıb.
Keçmiş iş adamı Ali Məhkəmədən bəraət qərarı çıxarılmasını xahiş edib. Şikayət məhkəmənin icraatına qəbul edilib.
Qeyd edək ki, Rasim Məmmədov DTX-nın keçirdiyi əməliyyatla həbs edilib. O, Bakı Ağır Cinayətlər Məhkəməsinin hökmü ilə 185 milyon manatlıq yeyintidə təqsirli bilinib. 14 il azadlıqdan məhrum edilib. Bundan əlavə onun 70 milyonluq əmlakı müsairə edilib. Bakı Apellyasiya Məhkəməsi həbs müddətini 3 ay azaldıb, hökm qalan hissələrdə dəyişdirilmədən saxlanılıb. Bir ay əvvəl Ali Məhkəmə müsadirə edilən əmlaklarla bağlı şikayətləri rədd edib.
