ABŞ-ın keçmiş prezidenti Donald Tramp Ayova ştatında tərəfdarları qarşısında çıxış edərkən bəyan edib ki, dünya üçüncü qlobal müharibənin başlaması astanasındadır.
Bu barədə Ren TV məlumat yayıb.
Onun sözlərinə görə, III Dünya müharibəsi heç vaxt bu qədər yaxın olmayıb.
Tramp ABŞ vətəndaşlarını “qlobal təhlükənin qarşısını almağa qadir olduğuna” əmin edib. Lakin o xəbərdarlıq edib ki, əgər sülh səyləri nəticə verməsə və müharibə başlasa, bu, sadəcə ölkələr arasında qarşıdurma deyil, “qiyamət” olacaq.
Tramp həmçinin qeyd edib ki, ABŞ-ın hazırkı Prezidenti Co Bayden Vaşinqtonu dünya səhnəsində artıq heç kəsin hesablaşmaq istəmədiyi zəif ölkəyə çevirib.
“Bayden son dərəcə səriştəsizdir. Onun görə bildiyi yeganə iş seçkilərdə saxtakarlıq etməkdir”, - deyə Tramp fikrini yekunlaşdırıb.
