Bakıda sərnişin avtobusunun “drift” etməsi gündəm olub.
Bununla bağlı görüntülər sosial şəbəkələrdə yayılıb. Sərnişin avtobusunun sürücüsü dayanacaqda qarın üzərində dövr edərək təhlükəli vəziyyət yaradıb.
Məsələ ilə bağlı “Xaliq Faiqoğlu” şirkəti açıqlama yayıb. Bildirilib ki, yanvarın 13-də hava şəraiti və yollardakı mövcud vəziyyətlə bağlı şirkətə məxsus avtobus parklarında sürücülərin təlimatlandırılması tədbirləri həyata keçirilib: “Keçirilən təlimdən sonra qaraj (daxili) sürücülərindən biri marşrut avtobusu sürücülərinə nümayiş etdirilən manevr qaydalarını daha sərt formada həyata keçirərək lentə alıb və sosial şəbəkələrdə paylaşıb.
Baş vermiş hadisə tərəfimizdən araşdırılıb və vəzifə öhdəliklərini pozan əməkdaş məsuliyyətə cəlb edilib”.
