ABŞ Suriyanın şimalındakı Həsəkə əyalətindəki Hemo hərbi bazasını boşaldır.
Bu barədə İranın “Tasnim” agentliyi mənbələrinə istinadən məlumat yayıb.
Buna İraq müqavimət qruplarının təkrar hücumları səbəb olub.
Yanvarın 16-da İran İslam İnqilabı Keşikçiləri Korpusu (SEPAH) bildirib ki, İraq və Suriyadakı hədəflərə 20-dən çox ballistik raket atılıb.
Əməliyyat çərçivəsində İran hərbçiləri 24 müxtəlif tipli ballistik raketdən istifadə ediblər.
Senzor.az xatırladır ki, Hemo bazasında 350-yə yaxın amerikalı hərbçi yerləşdirilib. O, Əl-Qamışlı hava limanından 4 km aralıda yerləşir və ABŞ-ın Suriyadakı strateji əhəmiyyətli bazalarından biridir.
ABŞ rəsmiləri hələlik bu məlumatı təsdiqləməyiblər.
