UEFA "Qarabağ" klubuna 1 milyon 516 min avro ödəniş edib.
Bu barədə AFFA-nın saytı məlumat yayıb.
Qeyd olunan bu məbləğ "Qarabağ"ın 2023/2024 mövsümündə Avropa Liqasının qrup mərhələsində keçirdiyi son iki oyundakı nəticələr (bir qələbə, bir heç-heçə) və turnirin pley-off mərhələsinə vəsiqə qazanması, həmçinin performans bonusu ilə əlaqədar ödənilib.
Ağdam təmsilçisi qələbəyə görə 630 min avro, bərabərlik üçün 210 min avro alıb. Pley-off mərhələsinə yüksəldiyinə görə "Qarabağ" 550 min avro, performans bonusu olaraq isə 126 min avro gəlir əldə edib.
