Türkiyə rəsmi olaraq İsveçin NATO-ya üzvlüyünü təsdiq edib.
Senzor.az bildirir ki, Türkiyə Prezidenti Rəcəb Tayyib Ərdoğan parlamentin bu məsələ ilə bağlı qərarını təsdiqləyib.
Müvafiq qanunun mətni rəsmi hökumət nəşri “Resmi Gazete”də dərc olunub.
Bundan əvvəl yanvarın 24-də Türkiyə Böyük Millət Məclisi İsveçin NATO-ya üzv olmaq barədə müraciətinə baxıb. Gündəliyə daxil edilən məsələnin təsdiqi üçün səsvermədə iştirak edən deputatların səs çoxluğu kifayət edib.
Hazırda Macarıstan yeganə NATO ölkəsidir ki, parlamenti İsveçin üzvlük ərizəsini hələ ratifikasiya etməyib.
