“Fransa Afrikadakı siyasətinin uğursuzluğa düçar olmasından sonra Qarabağda özünə sülhməramlı obrazı yaratmağa çalışır”.

Senzor.az bildirir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova “Rossiya 1” kanalının efirində deyib. 

Onun sözlərinə görə, Qarabağda sülhməramlı rolunu Rusiya yerinə yetirib: “Hesab edirəm ki, Parisin Qafqazda fəallığının artması Fransanın Afrikadakı siyasətinin uğursuzluqla nəticələnməsi fonunda ictimai-siyasi kontekstdə bir kompensasiyadır. Fransanın Qafqazdakı “eksperiment”lərinə “bir növ sülhməramlı səylər”i daxildir. Halbuki biz bilirik, bunun sülhməramlılığa heç bir aidiyyəti yoxdur”.

“Bütün sülhməramlı rolunu, hətta Qarabağ nizamlanması kontekstində də, vasitəçi kimi məhz ölkəmiz öz üzərinə götürdü və yerinə yetirdi. İndi, ən çətin mərhələ başa çatdıqdan sonra (ümid etmək istərdik ki, çətin mərhələ həqiqətən də arxada qalıb, əgər Fransa NATO üzvü kimi orada, necə deyərlər,  kömürləri yenidən qarışdırmağa başlamasa) onlar özlərini orada göstərə bilərlər”, - deyə Zaxarova əlavə edib.

Senzor.az