Serbiya Prezidenti Aleksandar Vuçiçin Moskvaya səfəri ölkənin Avropa İttifaqına (Aİ) daxil olması yolunda mənfi nəticələr verə bilər.
“Report” xəbər verir ki, bu barədə Brüsseldə keçirilən brifinqdə Avropa Komissiyasının (AK) nümayəndəsi Qiyom Mersye bildirib.
“Onun Moskvadakı tədbirdə iştirakı islahat müzakirələrinə aparan yola və danışıqlarda növbəti addımlara təsir göstərəcək”, - Qiyom Mersyenin sözləri AK-nın audiovizual xidmətinin saytında qeyd olunub.
Xatırladaq ki, daha əvvəl Vuçiç 9 may Qələbə Günü ilə əlaqədar Rusiyaya səfər etmək qərarına görə güclü təzyiqlərlə üzləşdiyini, lakin səfəri ləğv etməyəcəyini bildirmişdi.
