İranın azərbaycanəsilli rejissoru Cəfər Pənahinin "Sadə təsadüf" filmi "Qızıl palma budağı" mükafatına layiq görülüb.

Mükafatlandırma 78-ci Kann Film Festivalının bağlanış mərasimində baş tutub.

Film avtomobil qəzasından sonra dustaqlıq  yaşayan bir şəxsin həbsxanadakı ağır həyatından bəhs edir.

“Report”xatırladır ki, Pənahi 1960-cı ildə Cənubi Azərbaycanın Miyana şəhərində anadan olub. 1995-ci ildə Pənahinin “Ağ şar” filmi “Kann” kinofestivalında “Qızıl kamera” mükafatını qazanıb. Eyni ildə film Nyu-York tənqidçilərinin “1995-ci ilin ən yaxşı filmləri” siyahısında da yer alıb.

2006-cı ildə ekranlara çıxan “Ofsayd” filmi isə Berlin kinofestivalında “Gümüş ayı” mükafatına layiq görülüb.