Bişkekin Pervomayski rayon məhkəməsi Qırğızıstanın keçmiş prezidenti Almazbek Atambayevi bir sıra cinayətlər törətməkdə təqsirli bilib və şərti olaraq 11,5 il müddətinə azadlıqdan məhrum edib.
Bu barədə TASS xəbər yayıb.
Məlumata görə, Atambayev Çuy vilayətinin Koy-Taş kəndində qanunsuz torpaq sahələri əldə etməkdə, həmçinin Bişkek İES-in modernləşdirilməsi zamanı korrupsiyada və avqustun 7-8-də Koy-Taş kəndində kütləvi iğtişaşlar təşkil etməkdə təqsirli bilinib.
O da vurğulanıb ki, sabiq prezidentin əmlakı müsadirə olunub və o, bütün dövlət mükafatlarından məhrum edilib.
