1991-ci ildən bəri Ermənistanda indikindən daha legitim hökumət olmayıb.
Senzor.az yerli KİV-ə istinadən bildirir ki, bunu baş nazir Nikol Paşinyan İrəvan Dövlət Universitetində çıxışı zamanı deyib.
Onun sözlərinə görə, 2021-ci ildə - 44 günlük müharibədən sonra hakimiyyətin legitimliyi sual altında qaldığından növbədənkənar seçkilərin keçirilməsinə qərar verilib.
"Biz legitimlik problemini həll etmək üçün seçkilərə getdik. Əslində, biz onu ölüm təhlükəsi altında keçirdik", - Paşinyan bildirib.
O, həmçinin vurğulayıb ki, 44 günlük müharibə nəticəsində “vətənin bir hissəsini itirdik, amma daha suveren və daha müstəqil dövlət əldə etdik”.
