İsrailin Baş naziri Benyamin Netanyahu ABŞ-a səfər edib.
Bu barədə "Times of İsrael" məlumat yayıb.
O bu gün ABŞ-ın Dövlət katibi Marko Rubio və Prezident Donald Trampın Yaxın Şərq üzrə xüsusi nümayəndəsi Stiven Uitkoffla görüş keçirməyi planlaşdırır.
B.Netanyahu ABŞ Prezidenti Donald Trampla da görüşəcək.
Senzor.az bildirir ki, bu arada Fələstin tərəfdarları İsrail Baş nazirinin ABŞ-a səfərinə qarşı Ağ Ev qarşısında etiraz aksiyası keçiriblər.
Nümayişçilər əllərində Fələstin bayraqları və üzərində “İsraili silahlandırmaqdan əl çəkin”, “Yaşasın Fələstin!” kimi şüarlar yazılmış pankartlar tutub, “Fələstinə azadlıq!” şüarları səsləndiriblər. Etirazçılardan biri isə məhbus paltarı geyinib və üzünə Netanyahunun maskasını taxıb...
Yeri gəlmişkən, müşahidəçilər hesab edirlər ki, Tramp və Netanyahu arasında budəfəki görüş İsrail və ABŞ-ın İrana birgə hücumu fonunda bir növ “zəfər yürüşü”nə çevriləcək.
