İsrailin Baş naziri Benyamin Netanyahu ABŞ Prezidenti Donald Trampın Nobel sülh mükafatına namizədliyini irəli sürüb.
Senzor.az bildirir ki, İsrail Nazirlər Kabinetinin rəhbəri bunu Ağ Evdə Amerika lideri ilə görüşdə deyib.
"Mən sizə Nobel Komitəsinə göndərdiyim məktubu təqdim etmək istəyirəm. Məktubda sizin sülh mükafatına namizədliyinizin irəli sürüldüyü bildirilir. Siz buna layiqsiniz və onu almalısınız", - Netanyahu deyib.
O əlavə edib ki, Trampın dünyada və xüsusilə Yaxın Şərqdə sülh və təhlükəsizliyə nail olmaq səylərini yüksək qiymətləndirir.
Xatırladaq ki, indiyədək də bu təşəbbüslə çıxış edənlər olub.