Xəbər verdiyimiz kimi, Ukrayna Ali Radası bu gün Yuliya Sviridenkonu Baş nazir vəzifəsinə seçib.

Senzor.az yerli KİV-ə istinadən bildirir ki, bu gün Ali Rada yeni Baş nazir Yuliya Sviridenkonun təklif etdiyi yeni hökumətin nazirlərinin də təyin edilməsinə səs verib.

Köhnə Nazirlər Kabinetinin buraxılmasına və yeni hökumətin nazirlərinin seçilməsinə 253 xalq deputatı səs verib, 23 deputat bitərəf qalıb, 13 nəfər isə əleyhinə səs verib.

Ukraynanın yeni hökuməti aşağıdakı tərkibdədir:

Mixaylo Fedorov - Baş nazirinin birinci müavini - rəqəmsal transformasiya naziri;

Oleksiy Kuleba - Baş nazirin müavini - infrastruktur və ərazilərin inkişafı naziri;

Taras Kaçka - Avropa və Avro-Atlantik inteqrasiya üzrə Baş nazirin müavini;

Matvey Bednıy - gənclər və idman naziri;

German Qaluşenko - ədliyyə naziri;

Svitlana Qrinçuk - energetika naziri;

Denis Ulyutin - sosial siyasət, ailə və birlik naziri;

Nataliya Kalmıkova - veteranlar naziri;

İqor Klimenko - daxili işlər naziri;

Oksen Lisovoy - təhsil və elm naziri;

Viktor Lyaşko - səhiyyə naziri;

Serhi Marçenko - maliyyə naziri;

Oleksiy Sobolev - iqtisadiyyat, ətraf mühit və kənd təsərrüfatı naziri.

Qeyd edək ki, sabiq Baş nazir Denis Şmıqal yeni hökumətdə müdafiə naziri seçilib.