Bu ilin iyun ayında xarici ölkələrdən Azərbaycana 237 509 turist gəlib ki, bu da ötən ilin eyni ayı ilə müqayisədə 11 % azdır.
Senzor.az bildirir ki, Dövlət Turizm Agentliyinin hesabatında belə deyilir.
Sənədə əsasən, ötən ay Azərbaycana ən çox turist 73 415 ( - 11 %) nəfər olmaqla Rusiyadan gəlib. 2-ci yerdə Türkiyə (40 326, + 5 %) nəfər), 3-cü yerdə isə İran (15 297 nəfər, – 11 %) qərarlaşıb.
Bundan başqa, ay ərzində Səudiyyə Ərəbistandan 10,3 min (- 29 %), Qazaxıstandan 9,9 min (+ 11 %), Hindistandan 9,9 min (- 65 %), Gürcüstandan 8 min (- 10 %), Pakistandan 7,9 min (+ 4 %), Çindən 7,2 min (+ 76 %), Özbəksitandan 5 min (+ 17 %), İsraildən 3,4 min (- 18 %) ,Ukraynadan 3,3 min (- 1 %), Cənubi Koreyadan 3 min ( + 4 %), ABŞ-dən 2,9 min (+ 22 %), Türkmənistandan 2,7 min (+ 12 % ) turist gəlib.
