İstanbulda keçirilən müdafiə sərgisində azərbaycanlı mühəndislər və istehsalçılar türk şirkətləri ilə sıx əməkdaşlıq edərək hazırladıqları silah və texnikanın bütöv bir xəttini təqdim ediblər.

Bu barədə “Kavkazar” Teleqram kanalı məlumat yayıb.

Nəşr Azərbaycanın təqdim etdiyi silahlar haqda bunları qeyd edib:

- Turan-1 - xüsusi təyinatlıların iştirakı və məsləhətləri ilə yaradılmış 7,62×39 çaplı avtomat. O, gələcəkdə bütün region üçün əsas atıcı silah kimi nəzərdə tutulub. Bundan əlavə, 5.56 kalibrli yeni xətt təqdim edildi;

- ITX-Motors, zirehli döyüş maşını, üçüncü modeli. O, dağlarda və səhralarda sınaqlardan keçib və yaxın vaxtlarda sənaye istehsalının tətbiqi gözlənilir;

- Süni intellektə malik dronlar, GPS-ə istinad etmədən işləyən “RD Smart” kamikadze dronları seriyası.

Axar.az xatırladır ki, “Kavkazar” “Rıbar”ın layihəsidir və Azərbaycanın İstanbul sərgisində iştirakından və təqdimatından “çox narahat” olduğunu gizlətməyib və atmacalarından da qalmayıb.