ABŞ-la danışıqlardan əvvəl Vaşinqton İrana hücumlarda dəymiş ziyana görə  təzminat ödəməlidir.

Bunu İranın xarici işlər naziri Abbas Əraqçi “Financial Times”a müsahibəsində deyib.

“Onlar bizə izah etməlidirlər ki, danışıqların ortasında bizə hücum etmələrinin səbəbi nə idi? Onlar gələcək danışıqlarda bunu təkrar etməyəcəkləri ilə bağlı bizə qarantiya verməlidirlər”- İran XİN rəhbəri vurğulayıb.

Qeyd edək ki, 12 günlük İran-İsrail müharibəsi zamanı ABŞ İranın nüvə obyektlərinə aviazərbələr endirib.

İran tərəfi zərbələrin ciddi ziyana yol açdığını etiraf edib.