Türkiyədə "Cəhənnəm Necati" ləqəbli məşhur kriminal avtoritet Necati Coşkun Arabacı həbs edilib.
Senzor.az yerli KİV-ə istinadən bildirir ki, İzmir Prokurorluğunun apardığı təhqiqat çərçivəsində saxlanılmış Arabacı polisdəki prosedurlar başa çatdıqdan sonra məhkəməyə göndərilib.
İfadəsi alınan Arabacı barəsində həbs qərarı verilib və o, həbsxanaya aparılıb.
Xatırladaq ki, Arabacı oktyabrın 7-də İzmirdə hava Limanında saxlanılmışdı. 53 yaşlı Arabacı İnterpol tərəfindən axtarışda olub.
Qeyd edək ki, həm də "Kölnün atası" ləqəbi ilə tanınan Arabacı cinayətkar qruplaşma lideri kimi çirkli pulların yuyulması, xərac toplama, narkotik dövriyyəsi, silah qaçaqmalçılığı kimi cinayətlərdə şübhəli bilinir.
