Almaniya əhalisinin təxminən 70 faizi Ukraynadan olan qaçqınlara “vətəndaş müavinəti” (Bürgergeld) adlanan sosial yardımın verilməsinə qarşı çıxıb.

Senzor.az bildirir ki, bu, “Bild” qəzetinin sifarişi ilə INSA Sosial Tədqiqatlar İnstitutunun keçirdiyi sorğunun nətcələri açıqlananda məlum olub.

Sorğunun nəticələrinə əsasən, respondentlərin cəmi 17 faizi hesab edir ki, Almaniyada yaşayan ukraynalı qaçqınlar Bürgergeld almalıdır. Respondentlərin 66 faizi isə bu ödənişlərin saxlanılmasının əleyhinədir.

Həmçinin almanların 62 faizi düşünür ki, Ukraynadan müharibə dövründə Almaniyaya gəlmiş, hərbi xidmətə yararlı kişilər vətənə qayıtmalıdır. Bu fikirlə yalnız 18 faiz respondent razı deyil.

Sorğu 16–17 oktyabr tarixlərində keçirilib və 1003 nəfər arasında aparılıb.