Çox çətin vəziyyətdə Ukrayna 2 milyard dollarlıq qaz tapmağa hazır olmalıdır və hökumət belə vəsaiti haradan əldə edəcəyini və qazı haradan idxal edəcəyini başa düşür.

Senzor.az yerli KİV-ə istinadən bildirir ki, bunu Ukrayna Prezidenti Volodimir Zelenski jurnalistlərlə söhbət edərkən deyib.

“Biz başa düşürük ki, təxminən 2 milyard dollar dəyərində qazı haradan əldə edək. Biz gözləyirik ki, çox çətin vəziyyətdə Ukrayna 2 milyard dollarlıq qaz tapmağa hazır olmalıdır. Biz müəyyən tranşlar müəyyən etmişik. Norveç 100 milyon dollar qrant verir və yanvarda daha bir tranş ayıracaq. Bir neçə başqa ölkə müvafiq qrantlar ayırır. Bu pulu haradan əldə etmək barədə banklarımızla razılaşma var”, - deyə Zelenski vurğulayıb.

O qeyd edib ki, Baş nazir Yuliya Sviridenkonun Slovakiya, energetika naziri Svetlana Qrinçukun isə ABŞ-ın enerji şirkətləri ilə müvafiq müsbət razılaşmaları var.

"Amerika LNG ilə bağlı razılaşma var, istəsək, Polşa terminalı vasitəsilə gələcək. Biz Yunanıstandan əlavə qaz idxal edə bilərik. Digər ölkələrlə də anlaşma, razılaşmalar var. Azərbaycanla da razılaşmalar var. Hamı bunun üzərində işləyir”, - deyə Zelenski əlavə edib.