İstanbul Böyükşəhər Bələdiyyəsinin keçmiş sədri Əkrəm İmamoğlu haqqında “tender saxtakarlığı” ittihamı üzrə məhkəmə qərarı elan edilib.
Senzor.az yerli KİV-ə istinadən bildirir ki, İmamoğlu Beylikdüzü bələdiyyə başçısı olduğu dövrlə əlaqədar açılmış cinayət işi çərçivəsində bu gün hakim qarşısına çıxıb.
Məhkəmənin qərarına əsasən, Əkrəm İmamoğlu “tender saxtakarlığı” ittihamı üzrə bəraət alıb.
Xatırladaq ki, İmamoğlu bu ittihamla bağlı 7 ilə qədər həbs cəzası ilə üzləşə bilərdi.
Yeri gəlmişkən, daha öncə eks-merə qarşı “dövlət məmurunu vəzifəsinə görə təhqir etmək” ittihamı ilə açılmış cinayət işi məhkəmə başlamazdan əvvəl rədd edilmişdi.
Amma onu da qeyd edək ki, İmamoğluna qarşı irəli sürülən digər ittihamlarla bağlı məhkəmə prosesləri davam edir.
