ABŞ Prezidenti Donald Tramp Belarus üzrə xüsusi nümayəndə təyin etmək qərarına gəlib və bu vəzifəyə hüquqşünas Con Koulun namizədliyini irəli sürüb.
Senzor.az yerli KİV-ə istinadən bildirir ki, bu barədə Donald Tramp özü açıqlama verib.
Yeri gəlmişkən, sentyabr ayında o, ABŞ Prezidentinin nümayəndəsi olaraq Belarus Prezidenti Aleksandr Lukaşenko ilə görüşüb.
"Mən məmnuniyyətlə elan edirəm ki, ölkəmizin həqiqətən böyük hüquqşünaslarından biri kimi tanınan Con Koul ABŞ-ın Belarusa xüsusi elçisi təyin edilir. O, artıq 100 girovun azad edilməsi barədə uğurla razılığa gəlib və daha 50 nəfərin azad edilməsinə nail olmağı planlaşdırır", — Tramp qeyd edib.
ABŞ lideri, daha 50 nəfərin azad edilməsini nəzərdən keçirdiyinə görə Lukaşenkoya da təşəkkür edib.
