İranın Ali Milli Təhlükəsizlik Şurasının katibi Əli Laricani bildirib ki, İranın nüvə proqramı, bir çox digər məsələlər kimi, Qərbin İran üzərində tam nəzarəti bərqərar etmək cəhdlərinə bəraət qazandırır.
Senzor.az yerli KİV-ə istinadən bildirir ki, bu barədə o, “Biz və Qərb Ayətullah Xameneinin dünyagörüşündə” adlı konfransda danışıb.
"İndi tamamilə aydındır ki, İranın nüvə dosyesi bəhanədən başqa bir şey deyildi. İran xalqına qarşı düşmənçilik üçün bəhanədir. İsraillə iyunda 12 günlük müharibədən sonra onlar artıq deyirlər ki, biz raketləri, onların uçuş məsafəsini və İranın regional rolunu müzakirə etməliyik. Bu yanaşma Amerika və Qərbin başqa fikirlərə əhəmiyyət verdiyini göstərir", - Əli Laricani vurğulayıb.
