“Baş nazir Nikol Paşinyanın bu fikri ilə razılaşmamaq mümkün deyil: hakimiyyət biz olmasaydıq, Ermənistan dövləti mövcudluğunu itirərdi”.
Teleqraf xəbər verir ki, bunu Ermənistanın hakim “Vətəndaş Müqaviləsi” partiyasından olan deputat Tsovinar Vardanyan deyib.
Deputat qeyd edib ki, 2018-ci ildə hakimiyyət dəyişikliyindən (Nikol Paşinyanın iqtidara gəlişindən) sonra Ermənistan qarşısında duran çətin yolu keçə bilib.
Partiyanın parlament fraksiyasının katibi Artur Ovannisyan isə əlavə edib ki, Ermənistan tarixində ilk dəfə məhz bu dövrdə müstəqil olub: “Nəticədə avqustun 8-də Ermənistan üçün tarixi sənədin imzalanmasına şahid olduq. Son 500-600 ildə Ermənistan heç vaxt, gedin tarixə baxın, bu qədər suveren, müstəqil və azad olmayıb. Bu faktdır”.
