Ermənistanda Katolikos II Qareqinin qardaşı Qevork və qardaşı oğlu Ambartsum Nersisyanlar barəsində cinayət işi məhkəməyə göndərilib.
Senzor.az bildirir ki, yerli KİV bu barədə Ermənistan prokurorluğuna istinadən məlumat yayıb.
Məlumata görə, onlar “Respublika” partiyasının Vaqarşapatdakı seçkiqabağı təşviqatına mane olmaqda ittiham olunurlar.
İstintaqın versiyasına görə, noyabrın 1-də Voskeat kəndində (Vaqarşapatın böyük icmasına daxil olan) Qevork və Ambartsum Nersisyanlar mübahisə yaradaraq partiyanın seçkiqabağı bukletlər paylayan üzvünü təhqir ediblər.
Hadisə ilə bağlı araşdırma başa çatdırılıb və iş müvafiq ittiham aktı ilə məhkəməyə təqdim olunub.
