NATO Gürcüstanda baş verənlərdən narahatdır.
Bunu Alyansın Baş katibi Mark Rutte “Azadlıq radiosu”na müsahibəsində deyib.
O, Gürcüstandakı vəziyyət barədə söhbət getdikdə laqeyd olmadığını qeyd edib.
“Biz çox narahatıq və bu barədə gürcülərə aydın bildirmişik. Onlarla əməkdaşlıq edirik və fikrimcə, bu əməkdaşlıq narahatlığımızı ifadə edə biləcəyimiz kanalı təmin etməyə xidmət edir. Gəlin, məsələyə bütövlükdə baxaq, çünki Gürcüstanla yanaşı biz Ermənistan və Azərbaycan arasında baş verənləri də görürük. Burada vəziyyət, o cümlədən prezident Trampın gördüyü işlər sayəsində, daha yaxşıdır. Buna görə də mən Gürcüstanı bütün Cənubi Qafqaz kontekstində nəzərdən keçirərdim”, - Rutte deyib.
