Gürcüstan parlamenti xaricdə yaşayan vətəndaşların səsvermə hüququnu məhdudlaşdıran yeni Seçki Məcəlləsini birinci oxunuşda təsdiqləyib.
Teleqraf xəbər verir ki, dəyişikliyə əsasən xaricdə yaşayan Gürcüstan vətəndaşları parlament seçkilərində yalnız ölkəyə gələrək qeydiyyatda olduqları yer üzrə səsvermədə iştirak edə biləcəklər.
Təşəbbüsün lehinə 76, əleyhinə isə 9 deputat səs verib.
Qanun layihəsinin müəllifləri dəyişiklikləri uzun müddət Gürcüstandan kənarda yaşayan vətəndaşların “ölkədə mövcud siyasi vəziyyət haqqında tam məlumata malik olmaması” ilə izah edirlər. Onlar hesab edirlər ki, məlumatlı seçim etmək üçün seçicilər səs verməzdən əvvəl ən azı Gürcüstanda bir neçə gün keçirməlidirlər.
