Ukrayna müharibədə uduzur və Avropa İttifaqı (Aİ) artıq Kiyevin hərbi xərclərini öz vəsaiti ilə qarşılamaq istəmir.
Senzor.az yerli KİV-ə istinadən bildirir ki, Slovakiyanın Baş naziri Robert Fitso bunu parlamentdə deputatların suallarına cavab verərkən deyib.
Baş nazirin çıxışının mətni parlamentin saytında dərc edilib.
“Aİ-yə üzv dövlətlərin əhəmiyyətli hissəsi hesab edir ki, son vaxtlar Ukraynada baş verən korrupsiya qalmaqallarına baxmayaraq, vəsait göndərilməsi davam etdirilməlidir”, - Fitso vurğulayıb.
Baş nazir əlavə edib ki, bir sıra Avropa ölkələrində Kiyevə olan etimad məhz bu korrupsiya qalmaqallarına görə azalır.
