İranın nümayəndə heyəti bu gün ABŞ-ın paytaxtı Vaşinqtonda keçiriləcək DÇ-2026-nın püşkatma mərasimində iştirak edəcək.
Bu barədə "The Guardian" məlumat yayıb.
Qeyd edək ki, ötən həftə İran Futbol Federasiyası nümayəndə heyətinin bir neçə üzvünə ABŞ-a giriş vizası verilmədikdən sonra, püşkatma mərasimini boykot edəcəyini açıqlamışdı.
Lakin İranın idman naziri Əhməd Doniamali dünən tədbiri boykot etməmək qərarına gəldiklərini bildirib.
Doniamali milli komandanın baş məşqçisi Əmir Qalenoinin tədbirdə iştirak edəcəyini açıqlayıb. Onu federasiyanın beynəlxalq əlaqələr şöbəsinin müdiri Omid Camali də müşayiət edə bilər.
