Amerikalı milyarder İlon Mask Avropa İttifaqını (Aİ) tənqid edərək onun ləğv edilməsinə çağırış edib.
Senzor.az bildirir ki, Mask bu barədə "X" hesabında yazıb.
“Avropa İttifaqı ləğv edilməli, suverenlik ayrı-ayrı ölkələrə qaytarılmalıdır ki, hökumətlər öz xalqlarını daha yaxşı təmsil edə bilsinlər”, – deyə paylaşımda o qeyd edib.
Xatırladaq ki, bundan əvvəl İlon Maska məxsus "X" sosial şəbəkəsi 120 milyon avro məbləğində cərimələnib.
"Bloomberg"in məlumatına görə, cəriməyə səbəb platformanın kontent moderasiyası barədə Aİ qanununu pozmasıdır.
Nəşr qeyd edir ki, bu cür addımlar Ağ Ev və Brüssel arasında yeni mübahisələrin yaranmasına səbəb ola bilər.
"Avropa Komissiyası belə qənaətə gəlib ki, “X” platformasındakı "mavi nişan" ödənişli simvol istifadəçiləri çaşdırır, platforma araşdırmaçıların məlumatlara çıxışını məhdudlaşdırır və müvafiq reklam yerləşdirilməsini təmin etməyib", - qərarda vurğulanıb.
