Avropa Komissiyasının Prezidenti Ursula Fon der Lyayen ABŞ administrasiyasının Avropanın demokratik proseslərinə müdaxilə etməməli olduğunu bildirib.
Senzor.az xarici KİV-ə istinadən bildirir ki, beləliklə o, Vaşinqtonun son Milli Təhlükəsizlik Strategiyasına və onun Aİ-nı tənqid edən bəyanatına qarşı çıxıb.
Ursula Fon der Lyayen qeyd edib ki, Avropada liderlik və seçkilərlə bağlı qərarlar yalnız seçicilərin səlahiyyətindədir.
“Seçkilərlə bağlı ölkənin rəhbərinin kim olacağı barədə qərar vermək bizim işimiz deyil, bu, yalnız bu ölkənin xalqının işidir. Seçicilərin suverenliyi qorunmalıdır”, - o vurğulayıb.
Qeyd edək ki, ABŞ-ın Milli Təhlükəsizlik Strategiyası Avropada növbəti iyirmi il ərzində baş verəcəyi iddia edilən “sivilizasiyanın silinməsi” təhlükəsinə dair xəbərdarlıq edib.
