Ləğv edilmiş separatçı rejimin sonuncu rəhbəri Samvel Şahramanyan həbs ediləcək.
Bu barədə yerli “Joqovurd” nəşri məlumat yayıb.
Nəşr yazıb ki, separatçı bu gün Ermənistan İstintaq Komitəsində növbəti dəfə dindiriləcək: “Samvel Şahramanyanın 44 günlük müharibə ilə əlaqədar açılmış cinayət işi üzrə dindiriləcəyi bildirilib. Bu cinayət işi ilə əlaqədar o, dəfələrlə dindirilib, amma bu dəfə Şahramanyana qarşı konkret ittihamın irəli sürüləcəyi istisna edilmir və üstəlik, onun həbs olunması üçün məhkəməyə qətimkan tədbiri seçilməsi barədə vəsatət təqdim olunacaq”.
Samvel Şahramanyan 2025-ci ildə bu iş üzrə artıq 12 dəfə dindirilib.
Nəşr əlavə edib ki, separatçıların İrəvandakı ofisi də tezliklə bağlanacaq.
