Fransa Prezidenti Emmanuel Makron və Almaniya Kansleri Fridrix Merts arasında fikir ayrılıqları Makronun Rusiyaya dialoqu bərpa etmək təşəbbüsü irəli sürməsindən sonra kəskinləşib.
Bu barədə "Der Spiegel" nəşri məlumat yayıb.
Məlumata görə, Berlin bu mövzuya geniş rəsmi açıqlama verməyib, çünki Almaniya hökuməti təşəbbüs barədə suallara qısa cavablar verir və mövzudan yayınır. Makronun addımlarının Merts ilə razılaşdırılmadığı bildirilir. Merts bu məsələyə reaksiya verməməyə üstünlük verib ki, Parislə açıq qarşıdurma yaranmasın.
Nəşr yazır ki, Makron və Merts arasında fikir ayrılıqları Rusiyanın dondurulmuş aktivlərinin Ukraynanın maliyyələşdirilməsi üçün istifadəsi məsələsində də diqqət çəkir. Merts bu təşəbbüsü dəstəkləyərək onu Avropa İttifaqı sammitində irəli çəkməyə çalışıb, lakin Makron “Plan B”nin qəbulunda əsas rol oynayaraq təşəbbüsü irəli aparıb. Makron eyni zamanda Mertsin uzun müddət müdafiə etdiyi MERCOSUR ilə Avropa İttifaqının azad ticarət razılaşmasını dəstəkləməyib.
Fransa Prezidenti daha əvvəl Avropanın Rusiyaya dialoqu bərpa etmə zamanının çatdığını bildirib. O, ABŞ vasitəçilərinin Avropa ölkələrini prosesdən kənarda saxlayaraq Rusiyaya qarşı danışıqları aparmasının "optimallıqdan uzaq" olduğunu vurğulayıb.
