ABŞ-ın İranın daxili işlərinə qarışması bütövlükdə Yaxın Şərqdə sabitliyin pozulmasına gətirib çıxaracaq və Vaşinqtonun regiondakı bütün maraqları məhv olacaq.
Senzor.az bildirir ki, bunu İranın Ali Milli Təhlükəsizlik Şurasının katibi Əli Laricani ABŞ Prezidenti Donald Trampın iranlı etirazçıları dəstəkləməklə bağlı hədələrinə cavab olaraq özünün “X” hesabında yazıb.
"Hesab edirik ki, etiraz edən sahibkarların dağıdıcı elementlərlə heç bir əlaqəsi yoxdur. Tramp başa düşməlidir ki, ABŞ-ın bu daxili məsələyə müdaxiləsi bütün regionda (Yaxın Şərq) sabitliyi pozmağa və Amerikanın maraqlarını məhv etməyə bərabərdir”, - deyə Laricani vurğulayıb.
Xatırladaq ki, bundan əvvəl ABŞ Prezidenti Donald Tramp ölkəsinin İrandakı etirazçılara kömək etməyə hazır olduğunu elan edib.
