Ermənistan Sülh Şurasının Nizamnaməsini ödənişsiz əsasda imzalayıb.
Senzor.az yerli KİV-ə istinadən bildirir ki, bu bunu Ermənistan Xarici İşlər Nazirliyinin mətbuat katibi Ani Badalyan Sülh Şurasına qoşulmaq üçün 1 milyard dollar üzvlük haqqının ödənilməsinin lazım olduğuna dair müzakirələrə cavab olaraq deyib.
“Sülh Şurasının Nizamnaməsi Şuraya könüllü maliyyə yardımları əsasında üzvlüyü nəzərdə tutur. ABŞ Prezidenti Tramp tərəfindən dəvət edilən ölkə Şuraya üç ilə qədər müddətə aydın şəkildə müəyyən edilmiş üzvlük haqqı olmadan qoşula bilər və bu müddət bitdikdən sonra müəyyən edilmiş prosedura uyğun olaraq yenidən baxıla bilər”, - o qeyd edib.
Badalyanın sözlərinə görə, Ermənistan hökuməti bu əsaslarla Sülh Şurasına üzvlüyü təsdiqləyib.
XİN rəsmisi vurğulayıb ki, üzvlük haqqı könüllüdür və hər hansı bir ölkənin Nizamnaməsi qüvvəyə mindikdən sonra bir il ərzində daimi üzv olmaq istəyini bildirməsi halında tətbiq olunur.
