Ukraynalıların 52 faizi ABŞ və Avropa İttifaqının (Aİ) təhlükəsizlik zəmanətləri müqabilində bütün Donbasın – Luqansk və Donetsk vilayətlərinin Rusiyaya verilməsini qətiyyən qəbuledilməz hesab edir.
“Teleqraf” xəbər verir ki, Kiyev Beynəlxalq Sosiologiya İnstitutunun 23-29 yanvar tarixlərində keçirdiyi sorğunun nəticələrindən belə məlum olur.
Sorğuda iştirak edənlərin 40 faizi güzəştə getməyə hazır olduqlarını bildirib. Amma bunun əvəzində ABŞ və Aİ Ukraynaya təhlükəsizlik zəmanətləri verməlidir. Bu qrupa daxil olanların 31 faizi belə bir şərtin olduqca çətin olduğunu etiraf edir. Daha 7 faiz respondent isə mövqeyini müəyyənləşdirə bilməyib.
