Ukrayna Prezidenti Volodimir Zelenski mayın 24-də Ukraynada prezident seçkiləri və referendumun keçirilməsi planlarını elan edə bilər.
"Financial Times" anonim Qərb rəsmisinə istinadən xəbər verir ki, ABŞ-ın təzyiqi fonunda Ukrayna prezident seçkilərinə və sülh sazişi üzrə referendumun təşkilinə hazırlığa başlayıb. Referendumun Rusiyanın tələb etdiyi ərazilərlə bağlı razılaşmaları əhatə edə biləcəyi bildirilir.
Nəşrin məlumatına görə, hər iki səsvermə 15 mayadək keçirilməlidir. Əks halda, Vaşinqtonun təklif etdiyi təhlükəsizlik zəmanətlərinin itirilməsi riski yarana bilər.
Bununla belə, Ukraynada 4 maya qədər hərbi vəziyyət qüvvədədir və bu rejim şəraitində seçkilərin keçirilməsi mümkün deyil.
Zelenskinin Ofisi isə dərc olunmuş materiala belə münasibət bildirib: “Müvafiq təhlükəsizlik təminatı təmin olunmadan seçkilər barədə elanlar olmayacaq”.
