Birləşmiş Ərəb Əmirliklərinin (BƏƏ) paytaxtı Əbu-Dabinin Bələdiyyələr və Nəqliyyat Departamentinin sədri Məhəmməd Əli Əl-Şorafanın rəhbərlik etdiyi nümayəndə heyəti Bakı Şəhər İcra Hakimiyyətinin (BŞİH) başçısı Eldar Əzizovla görüşüb.
BŞİH-dən Senzor.az-a verilən xəbərə görə, görüş zamanı Bakı şəhəri və Əbu-Dabi şəhəri arasında qardaşlaşma münasibətlərinin yaradılması haqqında Anlaşma Memorandumu imzalanıb.
Eldar Əzizov görüş zamanı qeyd edib ki, bu gün Azərbaycanla BƏƏ arasında dostluq və əməkdaşlıq münasibətlərinin yüksək səviyyədə olması hər iki dövlətin rəhbərlərinin fəaliyyətinin nəticəsidir.
