Məşhur rusiyalı biznesmen Artyom Bikov Bakıda səfərdə olub.

Haqqin.az xəbər verir ki, o, Rusiya mətbuatına müsahibəsində Bakını tərifləsə də, qaldığı “Baku Marriott Hotel Boulevard”ın onun səfər əhval-ruhiyyəsini korladığını bildirib.

“Hotel biabırçı idi. Personalın işini bəyənmədim. Onlar mənə iki hesab yazmağa cəhd etdilər. Bir hesabı ödədim. Birincini ləğv olunmamış, gəlib ikinci hesabı yazdılar. Mənim isə hesabları yoxlamaq adətim var. Bu, eyni yeməyi iki dəfə satmaq cəhdi idi. Ciddi müəssisə, beynəlxalq şəbəkədir. Mən tamamilə məyus oldum və narazı qaldım”, - Bikov deyib.

O əlavə edib ki, hotelə qarşı şikayət hazırlayır.