İrəvanda hökumət binası qarşısında müxalifətin təşkil etdiyi etiraz aksiyasının 16 iştirakçısı saxlanılıb.Senzor.az yerli KİV-ə istinadən bildirir ki, onlar polis bölmələrinə aparılıblar.
"Hazırda 16 vətəndaş saxlanılıb", - polisdən bildirilib. Amma nümayişçilərin saxlanılması davam edir.
Xatırladaq ki, etirazçılar hökumət binasına daxil olmağa çalışıblar, lakin polis onların qarşısını alıb. Nəticədə polislə aksiya iştirakçıları arasında toqquşma olub. Daha sonra onlar Respublika meydanında nəqliyyatın hərəkətini dayandırmaq istəyiblər, polis buna da mane olub.
Nazirlər Kabinetinin binası qarşısında aksiya Azərbaycan tərəfinin Gorus-Qafan avtomobil yolunda gömrük-keçid məntəqəsi yaradacağı məlum olduqdan sonra başlayıb. Etirazçılar "Nikol xaindir!" şüarları səsləndiriblər.
