Gürcüstanın keçmiş Prezidenti Mixail Saakaşvili aclıq aksiyasını dayandırmaq barədə qərar qəbul edib.Senzor.az yerli KİV-ə istinadən bildirir ki, bu barədə jurnalistlərə onun vəkili Nika Qvaramiya məlumat verib.
"Mənim aclıq aksiyam Rusiya və hazırkı Gürcüstan hakimiyyətinin mənə qarşı silahına çevrilir. Çağırışları dinləmək və aclığı dayandırmaq qərarına gəldim", - Saakaşvilinin məktubunda deyilir.
Qeyd edək ki, M.Saakaşvili Tbilisidə oktyabrın 1-də saxlanılıb. O, həmin gündən aclıq aksiyası keçirirdi. Siyasətçi noyabrın 8-də Tbilisidəki 18 saylı Qldani cəzaçəkmə müəssisəsinin xəstəxanasına köçürülüb.
