Belarus Prezidenti Aleksandr Lukaşenko Polşa ilə sərhəddə yerləşən miqrantların nəqliyyat logistika mərkəzinə gedib.Senzor.az yerli KİV-ə istinadən bildirir ki, Lukaşenko “Bruzqi” buraxılış məntəqəsinin yaxınlığındakı miqrant düşərgəsini ziyarət edib.
Prezident düşərgənin ərazisinə baxış keçirib, miqrantlarla söhbətləşib və onların qarşısında çıxış edib.
Xatırladaq ki, Yaxın Şərqdən olan minlərlə miqrant Avropa İttifaqı ərazisinə, xüsusilə Almaniyaya getmək üçün Belarus-Polşa sərhədinə toplaşıb. Polşa miqrantları ölkə ərazisinə buraxmamaq üçün sərhəddə təhlükəsizlik tədbirləri görüb.
