Rusiyanın paytaxtı Moskvanın mərkəzində miqrantlar arasında dava düşüb.TASS xəbər verir ki, hadisə binanın həyətini təmizləyən işçilər arasında yaşanıb. Onlar Qırğızıstan və Özbəkistandan gələn miqrantlar olublar.
Belə ki, bir briqadada birləşən qırğızıstanlılar evin həyətindəki qarı, özbəkistanlılar isə evin damını qardan təmizləyiblər. Münaqişə damdan atılan qarın həyətin təmizlənmiş hissəsinə düşməsi ilə başlayıb.
Polisdən 11 nəfərin saxlandığı bildirilib: “Kommunal təsərrüfat işçilərinin dünənki davasından sonra 11 nəfər saxlanılıb: 7-si Qırğızıstan, 4-ü Özbəkistan vətəndaşıdır. Dava zamanı 3 nəfər xəsarət alıb. Saxlanılanlar barəsində xırda xuliqanlıq faktı ilə bağlı protokollar tərtib edilib”.
