Türkiyənin xarici işlər naziri Hakan Fidan Antalyada keçirilən diplomatik forum çərçivəsində Ermənistandan olan həmkarı Ararat Mirzoyanla görüşüb.
Senzor.az bildirir ki, görüş zamanı ölkələr arasında münasibətlərin normallaşması prosesi müzakirə olunub. Tərəflər tam nizamlanmaya nail olmağa hazır olduqlarını təsdiqləyiblər.
Bu istiqamətdə konkret addımlar barədə də fikir mübadiləsi aparılıb. Nazirlər beynəlxalq və regional məsələləri müzakirə ediblər.
Görüşdə iki ölkənin münasibətlərin normallaşdırılması məsələləri üzrə xüsusi nümayəndələri də iştirak ediblər.
Bundan əvvəl Türkiyə prezidenti Rəcəb Tayyib Ərdoğan Antalyada Diplomatik Forumun rəsmi açılış mərasimində bildirib ki, Türkiyə Ermənistanla normallaşma prosesini Azərbaycanla koordinasiyalı şəkildə davam etdirəcək.
