Türkiyədə vilayətlərin sayı 81-dən 100-ə, inzibati rayonların sayı isə 922-dən 1000-ə çatdırılmalıdır.

Senzor.az yerli KİV-ə istinadən bildirir ki, bu təşəbbüs Türkiyənin aparıcı siyasi qüvvələrindən biri olan Milliyyətçi Hərəkat Partiyasının (MHP) lideri Dövlət Baxçalı tərəfindən irəli sürülüb.

“Yüz vilayət, 1000 rayon” layihəsinə münasibət bildirən Baxçalı qeyd edib ki, partiyasının təşəbbüsü ilə Türkiyə Böyük Millət Məclisinə (parlament) müvafiq qanun layihəsi təqdim etməyi planlaşdırır. 

“Son qərarı parlament verəcək”, - deyə siyasətçi vurğulayıb.

O əlavə edib ki, bu addım Türkiyənin dövlət idarəetmə sistemini sadələşdirəcək: “Ölkəmizin inzibati xəritəsini dəyişdirmək təşəbbüsü “Türkiyə əsri" proqramı çərçivəsində irəliləyişi hədəfləyir”.